ബ്ലോഗിങ്ങിന്‍റെ അനന്ത സാധ്യതകളൊന്നും അറിയാതെ വേലയും കൂലിയും ഒന്നുമില്ലാതെ 'വെറുതേയിങ്ങനെ' മേഞ്ഞു നടന്നവനായിരുന്നു അനീഷ്‌. ഒടുവില്‍ ഒരു ജോലിക്ക് വേണ്ടി ബോംബയിലെ ലതര്‍ ഫാക്ടറിയില്‍ വര്‍ക്ക് ചെയ്യുന്ന പരിചയക്കാരനായ കുഞ്ഞികാദറിനെ കാണാനായി ടിയാന്‍ കള്ളവണ്ടി(സാധാരണ അങ്ങനെയാണല്ലോ )കയറുന്നു. ഇവിടെത്തെ പോലെ അവിടെയും എന്ന് പറഞ്ഞപോലെ, കറങ്ങി തിരിഞ്ഞാണെങ്കിലും ഒരു ഹോട്ടലില്‍ ഫുഡ്‌ ട്രാന്‍സ്പോര്‍ട്ടിംഗ് ഓഫീസിരായി ജോലി കിട്ടുന്നു. അങ്ങനെ കുറച്ചു കാശൊക്കെ ഉണ്ടാക്കി പുള്ളി നാട്ടില്‍ തിരിച്ചെത്തുന്നു. ഇപ്പോള്‍ അദ്ദേഹം ദാവൂദ്‌..ദാവൂദ്‌ അനീഷ്‌ എന്നറിയപ്പെടുന്നു..!
ചെക്കോട്ടിയേട്ടന്‍ ഒരു പ്രമുഖ രാഷ്ട്രീയ പാര്‍ട്ടിയുടെ P B മെമ്പര്‍(പെരുത്ത്‌ ബല്യ ആള് )ആണ് . പാര്‍ട്ടിയുടെ താടി വെയ്ക്കാത്ത ഒരു ബുദ്ധിജീവിയുടെ വാലായ്‌ എപ്പോഴും ഇദ്ദേഹത്തെ കാണാം.ബുദ്ധിജീവിയുടെ എല്ലാ പ്രസ്താവനകള്‍ക്കും ഒരു പ്രതിധ്വനിയെന്നോണം ചെക്കൊട്ടിയേട്ടനും എന്തെങ്കിലുമൊക്കെ പറയും. ഉദാഹരണത്തിന്,
ബു.ജി : '' അപ്പൊ പതിനാറാം തിയ്യതി നമ്മളെല്ലാരും അവിടെ പോകുകയല്ലേ?''
ചെ : '' ആഹ് അവിടെ പോകുകയല്ലേ?''
ബു.ജി : '' അഗലാപ്പുഴയിലെ മണല്‍ വാരലിനെ ഞാന്‍ ശക് തമായി എതിര്‍ക്കുന്നു.."
ചെ :''അതെ ശക് തമായി എതിര്‍ക്കുന്നു.."
ചെക്കൊട്ടിയെട്ടനെ എക്കൊട്ടിയേട്ടന്‍ എന്ന് വിളിക്കുന്നതില്‍ എന്താ തെറ്റ് ?
നാടന്‍ പണികളുമായി നടന്നിട്ട് കാര്യമൊന്നുമില്ല, പെണ്ണ് കിട്ടണമെങ്കില്‍ വല്ല സര്‍ക്കാര്‍ ജോലിയും വേണമെന്ന ചിന്തയാണ് രതീശനെ പി.എസ്. സി പരീക്ഷകളിലേക്ക് അടുപ്പിച്ചത്. പോലീസ് കോണ്‍സ്റ്റബ്ള്‍ പി.എസ്.സി ടെസ്റ്റ്‌ എഴുതാന്‍ പോയി, നാട്ടില്‍ ബസ്‌ ഇറങ്ങിയപ്പോള്‍ തന്നെ വന്നു പുതിയ പേര്..എസ്.ഐ..എസ്.ഐ കുട്ടാപ്പു!
ഇനിയുള്ളതും വേറൊരു ചെക്കൊട്ടിയേട്ടനെ പറ്റി തന്നെ. പുള്ളീടെ അമ്മ എല്ലാരോടും ചോദിക്കും '' അല്ല മോനെ ഇഞ്ഞ് വ്ടത്തെ വാല്യകാരനെ കണ്ടിക്കോ ആടെങ്ങാനും?''. പത്തറുപതു വയസു കഴിഞ്ഞിട്ടും പുള്ളി ഇപ്പോഴും വാല്യക്കാരന്‍ തന്നെ !
നടത്തത്തിന്‍റെ സ്പീഡ് ഇത്തിരി കുറഞ്ഞു പോയതുകൊണ്ട് 'ആമ' ഫാമിലി, ചാടി ചാടി തെങ്ങു കയറുന്നത് കൊണ്ട് 'ഓന്ത്' ഗോപാലന്‍ അങ്ങനെ പേരുകള്‍ ഒരുപടുണ്ടിനിയും..ലൊട്ട ബാബു (LB), കടുവ പ്രകാശന്‍, കുതറത്ത് രാജന്‍, ടു കുപ്പി , ഒത്താശ , അമാര, കത്തി, യുഷെടാ....!!!
പേരുകളുടെ വേരും തേടിയുള്ള എന്‍റെ യാത്ര തുടരുന്നു.....
2 comments:
edaaa eniyum orupaad perukal und nammuda naatil......
enthaa ee kadavinte peru?
Post a Comment